(កំពង់ធំ)៖ លោកជំទាវ យស ថានារី សមាជិករដ្ឋសភានិងជាតំណាងរាស្ត្រមណ្ឌលកំពង់ធំ បានអញ្ជើញជួបសំណេះសំណាលនឹងចែកអំណោយជូនដល់គ្រួសារភៀសសឹក ស្នាក់នៅបណ្តោះអាសន្ន នៅឃុំសាលាវិស័យ ឃុំទួលគ្រើល ស្រុកប្រាសាទបល្ល័ង្ក ខេត្តកំពង់ធំ ថ្ងៃទី៦ ខែមករា ឆ្នាំ២០២៦។
នៅក្នុងពិធីសំណេះសំណាកនេះ លោកជំទាវបានពាំនាំនូវប្រសាសន៍ផ្ដាំផ្ញើរសួរសុខទុក្ខប្រកបដោយក្តីនឹករលឹក និងយកចិត្តទុកដាក់បំផុតពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្ដេចគិតិ្តព្រឹទ្ធបណ្ឌិតប៊ុន រ៉ានី ហ៊ុន សែន និងថ្នាក់ដឹកនាំព្រឹទ្ធសភាផងដែរ ។
លោកជំទាវ អំពាវនាវឱ្យប្រជាពលរដ្ឋទាំងអស់តស៊ូ អត់ធ្មត់ រួមសាមគ្គីគ្នាផ្តល់ការគាំទ្រ ជឿទុកចិត្តលើថ្នាក់ដឹកនាំនិងវីរកងទ័ពដ៏អង់អាចក្លាហាន របស់យើងនៅសមរភូមិជួរមុខដែលបានខិតខំប្រយុទ្ធជាមួយចោរសៀម ឈ្លានពាន។
លោកជំទាវ បានជុំរុញដល់បងប្អូនទាំងអស់ថែទាំសុខភាពឲ្យបានល្អ ពិសេសយកចិត្តទុក្ខដាក់កូនៗតូចៗនៅក្នុងបន្ទុកឲ្យបានដិតដល់ ។
លោកជំទាវបានបន្ថែមថាទីនេះក៍មានសាលារៀនសំរាប់ប្អូនៗតូចៗបានសិក្សារៀនសូត្រ ឲ្យពួកគាត់ បានរៀនសូត្រ ដែលថ្តល់ឳកាសឲ្យល្អសំរាប់ការរស់នៅសិក្សា ការជួបជុំ នឹងបានមើលថែពីឪពុកម្តាយ លោកកគ្រូអ្នកគ្រូ និអាជ្អាធរមូលដ្ឋាន។
លោកជំទាវបានថ្លែងអំណរគុណដល់ប្រធានគ្រប់គ្រង និងអាជ្ញាធរពាក់ព័ន្ធទាំងអស់ ដែលបានយកចិត្តទុកដាក់លើកិច្ចការនេះដោយការទទួលខុសត្រូវខ្ពស់។
សូមបញ្ជាក់ថា គ្រួសារដែលទទួលបានការឧបត្ថមមានចំនួន១០២គ្រួសារ ដោយក្នុង១គ្រួសារៗទទួលបាន និងថវិកា៥០០០០រៀល អង្ករ ៥ Kg ឃីត២ កញ្ចប់។
