(កំពង់ធំ)÷ លោកអភិបាលស្រុកស្ទោងបានលើកឡើងថា ថវិកាគម្រោងជំនួយសេវាសង្គមរបស់មូលនិធិឃុំគឺជាការគិតគូរយកចិត្តទុកដាក់ខ្ពស់របស់រាជរដ្ឋាភិបាលលើសុខទុក្ខពលរដ្ឋងាយរងហានិភ័យ លោក សាយ គឹមឡម បានលើកឡើងដូច្នេះក្នុងឱកាសចែកអំណោយជូនពលរដ្ឋងាយរកហានិភ័យ និងរងគ្រោះដោយបាតុភូតខ្យល់កន្ត្រាក់នៅក្នុងឃុំចំណាក្រោម ស្រុកស្ទោង ខេត្តកំពង់ធំ កាលពីព្រឹកថ្ងៃទី២៤៣ ខែឧសភា ឆ្នាំ២០២៦។

ជាមួយគ្នានេះលោកបានលើកទឹកចិត្តដល់ប្រជាពលរដ្ឋ បងប្អូនប្រជាកសិករត្រូវសិក្សាស្វែងយល់បន្ថែម និងធ្វើការបផ្លាស់ប្ដូរទម្លាប់បុរាណមួយចំនួន ជាពិសេសការដាំដុះធ្វើស្រែប្រាំងជាមួយ ការប្រកបរបរអាជីវកម្ម ការធ្វើដំណាំចំការដាំដុះឬចិញ្ចឹមសត្វបែបលក្ខណវិទ្យាសាស្ត្រ បម្រែបម្រួលអាកាសធាតុ ព្រមទាំងឆ្លើយតបនឹងបរិបទសេដ្ឋកិច្ចសកល ដើម្បីបង្កើនប្រាក់ចំណូល និងលើកកម្ពស់ជីវភាពរស់នៅប្រចាំថ្ងៃបន្ថែមទៀត។

លើសពីនេះលោកបានលើកទឹកចិត្តដល់ ឪពុកម្ដាយ អាណាព្យាបាល គ្រប់រូបត្រូវជំរុញលើកទឹកចិត្ត ដល់ការសិក្សារៀនសូត្រដល់បុត្រធីតា និងកូនចៅរបស់ខ្លួនឱ្យបានខ្ពង់ខ្ពស់ដើម្បីសេដ្ឋកិច្ចវាសនាអនាគតខ្លួនឯង ជាពិសេសសមស្របតាមបរិបទសង្គមនិងវិទ្យាសាស្ត្រ ត្រូវចូលរួមយ៉ាងសកម្មក្នុងការលើកកម្ពស់ អភិវឌ្ឍសេដ្ឋកិច្ចមូលដ្ឋាន និងប្រទេសជាតិទាំងមូលថែមទៀត។

ជាចុងបញ្ចប់លោកបានកោតសរសើរខ្ពស់ដល់រដ្ឋបាលឃុំចំណាក្រោម ដែលបានគិតគូរយកចិត្តទុកដាក់ខ្ពស់ក្នុងការផ្ដល់សេវាសាធារណៈជូនប្រជាពលរដ្ឋបានល្អប្រសើរ និងយកចិត្តទុកដាក់ខ្ពស់ដល់សុខទុក្ខប្រជាពលរដ្ឋដល់មូលដ្ឋានកន្លងមកនិងដូចនៅក្នុងឱកាសនេះ លោកបានលើកទឹកចិត្តដល់បណ្ដាឃុំផ្សេងត្រូវធ្វើកម្មសិក្សានៅសាលាឃុំចំណាក្រោមជាគំរូ។

សូមបញ្ជាក់ថា បងប្អូនប្រជាពលរដ្ឋទាំង ៩០នាក់ខាងលើ ក្នុង១នាក់ទទួលបាននូវ÷ អង្ករ១បេ មី១កេស ទឹកត្រី១យួរ ត្រីខ១យួរ ដោយឡែកបងប្អូនដែលបានរងគ្រោះដោយបាតុភូតខ្យល់កន្ត្រាក់១៨នាក់ ក្នុង១នាក់ទទួលបានកៅស៊ូតង់មួយបន្ថែម។