ឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង បាននាំអំណោយ សម្ដេចបវរធិបតីនាយករដ្ឋមន្ត្រី និងលោកជំទាវ ប្រគេនដល់ព្រះសង្ឃគង់ចាំព្រះវស្សា នៅវត្តបិដកគិរីវនារាម ហៅវត្តភ្នំត្រោក ស្ថិតនៅក្នុងស្រុករលាប្អៀរ ខេត្តកំពង់ឆ្នាំង។

កំពង់ឆ្នាំង៖ នេះបើយោងតាមរបាយការណ៍ របស់តំបន់ប្រតិបត្តិការសឹករងកំពង់ឆ្នាំង ដែលបានគោរពរាយការណ៍ជូនសម្ដេច បវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានោះ កាលពីព្រឹកថ្ងៃទី ២០ ខែកញ្ញាឆ្នាំ ២០២៤ ម្សិលមិញនេះ។

ក្នុងរបាយការណ៍នោះ បានបញ្ជាក់ថា អំណោយទាំងនេះ រួមមាន  អង្ករ ១២៥គីឡូក្រាម  មី០៥កេស  ត្រី០5យួរ  ទឹកត្រី០5យួរ   ទឹកស៊ីអ៊ីវ ០៥ យួរ  ក្រមា ១៥  ទានព្រះវស្សា ០១គូ   សាដក់ ០៦ និងបច្ច័យ ២ លានរៀល ។

ក្រោយពីបានទទួល អំណោយជាទេយ្យទានដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ា
ណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុនី
តាជីយាយជីចំនួន 15 នាក់រួមទាំងព្រះសង្ឃដែលគង់ចាំព្រះវស្សានៅវត្តបិដកគិរី វនារាម ហៅវត្តភ្នំត្រោក បានឧទ្ទិសកុសលផលបុណ្យជូនដល់ សម្ដេចនិងលោកជំទាវ ព្រមទាំងសម្ដេច អគ្គមហាសេនាបតីតេជោ ហ៊ុន សែន និងលោកជំទាវគតិព្រឹទ្ធបណ្ឌិតប៊ុន រ៉ានី ឱ្យជួបតែសេចក្តីសុខសេចក្តីចម្រើន នៅជាម្លប់ដ៏ត្រជាក់នៃប្រជាជនកម្ពុជាទូទៅ។ អត្ថបទនេះ រៀបចំដោយការិយាល័យនិពន្ធ